新一年有新既開始!~我都開左一個新既Daily，同你地分享我發生既事~

04年年頭，我地失去左一位好朋友，之後大家都明白珍惜眼前人同小心身體。我地一班5A既同學一齊挨過左呢段咁黑暗既日子。之後經歷左會考，最後一齊升Form 6。雖然我係浪費左一年時間，但亦因為我repeat而識到呢班好朋友，可以話係我覺得最值得既一件事，因為你地，我冇後悔。

中六生活更多采多姿，O' camp、山水之旅、BBQ、打邊爐、仲去埋北訪，回顧咁多年既中學生涯，最開心都係今年。因為大家都係真心對待，群而不黨，同你地一齊好開心，好舒服，大家之間都冇咩秘密，咩都講得，又咁open，齊齊痴下傻下，好開心。就算有咩唔開心，都可以立即得到關心，我以你地為榮呀!~

係呢度，我要特別嗚謝Ruby，多謝你一直以來既照顧同關心，冇左你，我都唔知?~我愛你呀!~之後要多謝大口為我帶呢咁多歡樂!~多謝6A眾位男士既gentleman風度，讓我知道完來我可以唔駛撐得咁辛苦。仲要多謝所有人，係你地讓我知道何謂「愛」。我愛你地呀!~希望之後呢緊兩年，我地都可以開開心心咁過!~